ҚыркүйекАта-аналар жиналысы
2026–2027 оқу жылы · «Адал азамат»
Тәрбие сағаты — тақырыптар мен дайын жоспарлар, 2026–2027
Тәрбие сағаты аптасына бір рет өтеді, ал оның тақырыбын «Адал азамат» бағдарламасындағы айдың құндылығы береді. Мұнда — қыркүйектен мамырға дейінгі әр айдың құндылығы мен атаулы күндері және 1–4, 5–8, 9–11 сыныптарға арналған 40 тақырып: мақсаты, барысы, талқылауға сұрақтар, ойын және рефлексия.
Айлар бойынша: құндылық, атаулы күндер, тақырыптар
Бағдарламада әр айдың бір құндылығы бар — тәрбие сағаттары, іс-шаралар мен жобалар соның айналасында құрылады. Атаулы күнге арналған сағатты сол күннің алдындағы аптада өткізген ыңғайлы.
ҚазанАта-аналар жиналысы
Тәуелсіздік және отаншылдық
01.10 Қарттар күні · 04.10 Педагог күні · 16.10 Нан күні · 25.10 Республика күніҚараша
Әділдік және жауапкершілік
11.11 Энергия үнемдеу күні · 15.11 Ұлттық валюта күні · 16.11 Толеранттылық күні · 20.11 Дүниежүзілік балалар күніЖелтоқсанАта-аналар жиналысы
Бірлік және ынтымақ
09.12 Сыбайлас жемқорлыққа қарсы күрес күні · 10.12 Адам құқықтары күні · 16.12 Тәуелсіздік күніҚаңтар
Заң және тәртіп
01.01 Жаңа жылАқпан
Жасампаздық және жаңашылдық
15.02 Ауған соғысы ардагерлерін еске алу күніНаурызАта-аналар жиналысы
Тәуелсіздік және отаншылдық
01.03 Алғыс айту күні · 08.03 Халықаралық әйелдер күні · 15.03 Конституция күні · 21.03 Наурыз мейрамыСәуір
Еңбекқорлық және кәсіби біліктілік
23.04 Кітап күніМамырАта-аналар жиналысы
Бірлік және ынтымақ
01.05 Қазақстан халқының бірлігі күні · 07.05 Отан қорғаушы күні · 09.05 Жеңіс күні · 09.05 Аналар күні · 25.05 Соңғы қоңырауСынып бойынша
1–4 сынып
Қысқа кезеңдер, сурет пен ойын көп; әр бөлім 5–7 минуттан аспайды.
Еңбек адамы — ел мақтанышыБілім — болашақтың кілтіБіздің сынып — бір отбасыЖол — қауіпсіздік кепіліҚарттарым — асыл қазынамМемлекеттік рәміздер — ел мақтанышыӘдептілік — әдемілікМенің Отаным — ҚазақстанМенің отбасымҚамқорлық — жүрек жылуыҚауіпсіз демалысКітап — білім бұлағыҰлттық ойын — ұлт қазынасыНаурыз — жаңару мейрамыАнаға құрметТаза Қазақстан
5–8 сынып
Жағдаят талдау, топпен жұмыс, шағын пікірталас және сынып ережелері.
Еңбек түбі — берекеТіл — ұлттың жаныБіздің сынып — бір отбасыҚарттарым — асыл қазынамҰстаз — ұлы тұлғаРеспублика күніБуллингке жол жоқИнтернеттегі қауіпсіздікҰлттық валюта — тәуелсіздік белгісіТәртіп — тәрбие негізіТәуелсіздік — ең қымбат құндылықОтбасы — бақыт мекеніҚауіпсіз демалысКонституция — Ата заңМенің құқықтарым мен міндеттерімКітап — білім бұлағыНаурыз — жаңару мейрамыТаза ҚазақстанБірлігіміз — берекемізЖеңіс күні — ұрпаққа аманат
9–11 сынып
Дебат, жоба, кәсіптік бағдар және оқушының өз ұстанымы.
Адал азамат — ел тірегіРеспублика күніИнтернеттегі қауіпсіздікҚаржылық сауаттылықӘділдік пен жауапкершілікВейпке жол жоқТәуелсіздік — ең қымбат құндылықҚоғамға қызмет етуЗаң мен тәртіпМенің жетістігім — менің нәтижемАдал еңбек — абыройМенің болашақ мамандығымЖеңіс күні — ұрпаққа аманатОтан қорғаушы — ел айбыны
Тәрбие сағаты қалай құрылады
Тәрбие сағаты — сабақ емес, сынып жетекшісі мен балалардың ашық әңгімесі. Сондықтан ол ҚМЖ-ға ұқсас жоспармен жүрсе де, басты бөлігі — оқушылардың өз ойын айтуы, топпен шешім іздеуі және ойын. Әдетте 30–40 минутқа бес кезең жеткілікті.
- 1
Тақырып пен құндылық. Айдың құндылығын алып, оны сыныптың нақты жағдайына байлаңыз: жақында болған оқиға, атаулы күн, сыныптағы мәселе.
- 2
Мақсат. Екі-үш мақсат жеткілікті: оқушы не түсінеді, не істей алады, қандай қарым-қатынасқа үйренеді.
- 3
Кіріспе және негізгі бөлім. Сұрақ, сурет немесе шағын жағдаятпен бастаңыз; негізгі бөлімде топтар талқылайды, жоспар құрады, рөлмен ойнайды.
- 4
Ойын немесе тренинг. Тақырыпты қимылмен, жарыспен, шешім қабылдаумен бекітеді — балалар оны ұзақ есте сақтайды.
- 5
Рефлексия және үйге. Бір сөйлеммен қорытынды, ал ата-аналарға чатқа қысқа хабарлама — үйдегі «Өнегелі 15 минут» әңгімесіне тақырып.
Аптасына бір рет өтетін сынып сағатында 10 минут — «Қауіпсіздік сабағы»: жол, су, от, интернет. Оны тақырыптан бөлек жоспарлаңыз.
«Адал азамат» бағдарламасы — қысқаша
Бірыңғай «Адал азамат» тәрбие бағдарламасы (Оқу-ағарту министрінің 26.05.2025 № 123 бұйрығы) барлық мектепке, оның ішінде жеке мектептерге де міндетті. Оның алты құндылығы бар, әр ай бір құндылыққа арналады.
Бағдарлама тек тәрбие сағатымен шектелмейді: апта сайынғы және күн сайынғы тәжірибелер, сынып пен мектеп жобалары, ата-аналармен бірлескен жұмыс — бәрі бір жүйеде.
| Құндылық | Айлар |
|---|---|
| Заң және тәртіп | қаңтар |
| Бірлік және ынтымақ | желтоқсан, мамыр |
| Еңбекқорлық және кәсіби біліктілік | қыркүйек, сәуір |
| Әділдік және жауапкершілік | қараша |
| Жасампаздық және жаңашылдық | ақпан |
| Тәуелсіздік және отаншылдық | қазан, наурыз |
Апта сайын
- «Менің Қазақстаным» — аптаның бірінші сабағында Әнұран
- «Апта дәйексөзі»
- «Қауіпсіздік сабағы» — сынып сағатында 10 минут
Күн сайын
- «Өнегелі 15 минут» — ата-ана баласымен әңгімелеседі
- «Ұлттық ойын — ұлт қазынасы»
- «Үнемді тұтыну»
- «Күй күмбірі» — қоңыраудың орнына күй
Жобалар
Мектеп өзі таңдайтын жобалар тәрбие сағаттарымен байланысады: сағатта тақырыпты талқылайсыз, жобада іске асырасыз.
- «Оқуға құштар мектеп»
- «Таза Қазақстан»
- «Заң мен тәртіп»
- «Қамқор»
- «Үнемді тұтыну»
- «Еңбегі адал жас өрен»
- «Ұлттық ойын»
Құқықтық курс тәрбие сағаттарында
| Сыныптар | Курс |
|---|---|
| 5–7 | Конституция негіздері |
| 8–11 | Заң мен тәртіп |
Сынып жетекшісінің құжаттары
Тәрбие сағаттары — сынып жетекшісі жұмысының бір бөлігі ғана. № 130 бұйрық бойынша ол жүргізетін құжаттар:
| Құжат | Қашан | Нәтижесі |
|---|---|---|
| Сыныптың тәрбие жұмысының жоспары | оқу жылы басталғанға дейін | Жоспар, іс-шара материалдары, тәрбие жұмысының талдауы |
| Сыныптың әлеуметтік паспорты | қыркүйек–қазан | ҰБДҚ-да (НОБД) толтырылады |
| Ата-аналармен жұмыс | оқу жылы бойы | Ата-аналар жиналысының хаттамалары |
| Сынып журналы | үнемі | Электрондық журнал |
| Үлгерім табельдері, жеке іс | тоқсан және жыл соңында |
Тәрбие сағатын 2 минутта жасау
Тақырып пен сыныпты таңдаңыз — «Менің сыныбым» сағаттың жоспарын жасайды: мақсаты, кезеңдер минутымен, мұғалім мен оқушылардың әрекеті, рефлексия және ата-аналарға хабарлама.
- Жоспар Word-та
- Презентация, тақтадағы ойын және рефлексия — бір жерде
- «Адал азамат» сағаттарының есебі аттестацияға
Сынып жетекшісіне тағы
Жиі қойылатын сұрақтар
Чаттағы көмекшіден сұраңыз — бірден жауап береді.
Тәрбие сағаты аптасына неше рет өтеді?
Сынып сағаты аптасына бір рет өтеді — бұл сынып жетекшісінің міндеті (Сынып жетекшілігі туралы ереже, БҒМ-нің № 18 бұйрығы). Оның 10 минуты — «Қауіпсіздік сабағы».
Айдың құндылығын қайдан білемін?
«Адал азамат» бағдарламасында әр айға бір құндылық бекітілген. Жоғарыдағы кестеде — қыркүйектен мамырға дейін барлығы, ағымдағы ай бөлек көрсетілген.
Тақырып тізімде жоқ болса не істеймін?
Айдың құндылығын алып, өз тақырыбыңызды жазыңыз. «Менің сыныбым» кабинетінде кез келген тақырыпқа жоспар жасалады — сынып пен ұзақтығын көрсетсеңіз жеткілікті.
Бір тақырыпты бірнеше сыныпта өткізуге бола ма?
Иә. Әр тақырыптың бетінде «Қай сыныптарға» бөлімі бар: кіші және үлкен сыныптарда нені өзгерту керегі жазылған.
Тәрбие сағатының ҚМЖ-сы міндетті ме?
Тәрбие жұмысының жоспарын, іс-шара материалдарын және талдауын сынып жетекшісі жүргізеді (№ 130 бұйрық, 3-қосымша). Нысанын мектептің сынып жетекшілері әдістемелік бірлестігі анықтайды.
Өткізілген сағаттар аттестацияға есептеле ме?
Аттестацияның пилоттық ережесінде «Адал азамат» бойынша сабақтан тыс іс-шаралар сағаттары ескеріледі. Кабинетте өткізілген сағаттар автоматты түрде саналады.